Hansı məşhurun əlcəyi 330 min dollara satıldı?
7 dekabr 2010. Müəllif: HiTMaN
ABŞ-ın Beverli-Hillz hərracında pop kralı Michael Caksonun əlcəkləri 330 min dollara satılıb. Məlumatı Press Association yayıb. Söhbət müğənninin 1980-cı illərdə Bad albomunun turnesi zamanı taxdığı ağ əlcəkdən gedir. Julien's Auctions auksion evinin saytında yerləşdirilən məlumata görə, əlcəyin sağ tayı və onun bir tərəfi Svarovski qaşlarla örtülüb. Pop kralının imzası olan gödəkçəsi 96 min dollara, şlyapası isə 72 min dollara satılıb. Hərraca digər məşhurların da əşyaları çıxarılıb. Məsələn, Merlin Monronun dərmanlarını saxladığı şüşə 19 min dollara, Con Lennonun 1966-cı ildə poza verdiyi Life Magazine jurnalı 240 min dollara satılıb. Albert Eynşteynin beyninin rentgen surəti 38 min dollara alınıb. 3-4 dekabr tarixində baş tutan hərracda əşyaların satışından əldə olunan gəlir 3 milyon dolları ötüb