Şəhidlər Xiyabanı Dağüstü Parkın yuxarı hissəsində salınıb. Həmin ərazi 1990-cı ilin yanvar faciəsi baş verməzdən neçə-neçə illər əvvəl də bura qəbiristanlıq olub. El arasında bu yerə Çəmbərəkənd qəbiristanlığı deyiblər. Tarixdən bəlli olduğu kimi, bolşevizm dövründə Çəmbərəkənd qəbiristanlığı yerlə yeksan edilərək, onun yerində Dağüstü Park salınıb. Həmin ərazidə 1918-ci ilin mart ayında Bakının rus-daşnak hərbi birləşmələrindən azad edilməsi uğrunda döyüşlərdə şəhid olan Qafqaz-İslam Ordusunun bir neçə əsgəri də dəfn edilib.
Hazırda həmin şəhidlərin adları və Türkiyənin dövlət gerbi həkk edilmiş məzarları, eləcə də onların şərəfinə ucaldılmış abidə Şəhidlər Xiyabanında ucalır. Yeri gəlmişkən, iki dəfə Sovet İttifaqı Qəhrəmanı Həzi Aslanovun da abidəsi Şəhidlər Xiyabanı ərazisində qoyulub. Şəhidlər Xiyabanında həm Qarabağ savaşında, həm də 20 yanvar faciəsi zamanı şəhid olan Azərbaycan övladları uyuyur. Şəhidlər Xiyabanını, tez-tez olmasa da, yolum düşəndə ziyarət edir, onlara Tanrıdan rəhmət diləyirəm.Son illər Şəhidlər Xiyabanı ərazisi gənc oğlan və qızların görüş və sevişmə məkanına çevrilib. Bu yerin özünəməxsus özəlliyi, quruluşu gənc sevgililəri özünə cəlb edib. Son vaxtlarda vəziyyət nəinki düzəlib, əksinə, daha da pisləşib.«Bu ölkədə nə ölüyə hörmət qalıb, nə diriyə»
Şəhidlər Xiyabanının ərazisində olanda dəhşətə gəlməmək, heyrətlənməmək mümkün deyil. Hara baxırsan, üzünü hansı səmtə çevirirsən cütlüklərin dünyadan xəbərsiz sevişmə səhnələrinin şahidi olursan.
Həqiqətən «bu ölkədə nə ölüyə hörmət var , nə diriyə» dağüstü parkı əxlaqsızlıq yuvasına çeviriblər. Çox təəssüflə qeyd edirəm ki, bu insanların etika haqqında elementar anlayışları yoxdur. Qaldı ki, onlara əməl edilsin. Acınacaqlısı odur ki, gənclərimizdə bu mənfi keyfiyyət get-gedə daha da möhkəmlənir. Savadsızlıq insanları cahilliyə aparır. Türkiyədə əsgər şəhid olanda onun ailəsinə ev, pul, təqaüd verilir. Bəzilərinin cənazə mərasiminə prezident, baş nazir, ordu rəhbərliyi qatılır. Amma Azərbaycanda əsgər şəhid olanda onun cənazəsini iki nəfər mülki formalı şəxs gətirib ya məscidə, ya da evinə təhvil verib gedirlər. Bunu görən gənclər nə əsgərliyə getmək istəyər, nə də şəhidə hörmət edər».«Torpaqlarımızın bütövlüyü, xalqımızın azadlığı uğrunda şəhid olan oğul və qızlarımızın ruhuna hörmət və ehtiramla yanaşmaq, onların xatirəsini əziz tutmaq hər bir Azərbaycan vətəndaşının borcudur. Amma təəssüf ki, hamı bu borcu anlaya bilmir».
«20 yanvar şəhidləri ilə Qarabağ şəhidlərinə fərq qoyulur»
Qarabağ müharibəsində şəhid olanların məzarını ziyarət edərkən burada görülən mənzərə sözün əsl mənasında insanı sarsıtmaya bilməz. Qarabağ şəhidlərinin məzarlarını ot-alaq basmış. Məzar daşları toz-torpaq içindədir. Hiss olunurdu ki, xeyli müddətdir təmizlənmir. Zibil topaları diqqətdən yayınmır. Fəxri Xiyabanda, Heydər babaniz olan yerdə isə bütün məzarlara münasibət eynidir; gündə bir neçə dəfə burada dəfn edilənlərin məzarlarının ətrafı təmizlənir, səliqəyə salınır. Hətta məzarı paqonlu itlər mühafizə edirlər.