350 milyondan çox qeydli istifadəçisi olan ictimai şəbəkə platforması Facebook, indi də qruplardakı ad dəyişikliyi səbəbiylə istifadəçilərinə çətinlik yaradır. Başqa bir ad altında qrupa daxil olan istifadəçilər, qrup adının dəyişdirilməsiylə birlikdə tam fərqli bir qrupa daxil ola bilir.

Facebookda demək olar ki, hər mövzuda açılan bir qrupa rast gəlmək mümkündür. Ancaq istifadəçilərin etirazına səbəb isə qrup adında sonradan dəyişiklik edilməsi ilə birlikdə istifadəçilərin heç istəmədiyi bir qrupa daxil olmasıdır.

Məsələn "Dünyada sülh istəyirik" adı altında açılan bir qrupun adına üzv olan istifadəçilər daha sonra özlərinin xəbəri olmadan PKK-nı dəstəkləyən bir qrupa üzv olurlar.Daha sonra "Dünyada sülh istəyirik" qrupuna girən istifadəçini bir yoldaşı xəbərdar edir: "Sənin PKK-nı dəstəkləyən bir qrupda nə işin var?". İstifadəçi isə çaşmış bir şəkildə qruplarını nəzarət edir və həqiqətən də belə bir ada sahib qrupa daxil olduğunu görür. Ancaq bu qrupa girmədiyinə əmin olan istifadəçi bu qrupa necə daxil olduğunu aydınlaşdırmağa çalışır.

Bu vəziyyətdə ağla ilk gələn şey isə xakerlərin istifadəçinin hesabını ələ keçərməsi və bu qrupa xakerin üzv olmasıdır. Ancaq son günlərdə artan bu hadisələrin qaynağı təəssüf ki, bir xaker deyil. Əksinə, istifadəçilər bu qruplara şüurlu bir şəkildə girir və qrup adı dəyişikliyinə qurban gedir. Əvvəllər minlərlə insanı çəkəcək şəkildə qrup adıyla ortaya çıxan bəzi kəslər, ardından qrup adını dəyişdirərək üzvü olan minlərlə ınsanı da bu yeni ad altında yığmış olur. İstifadəçilər ümumiyyətlə üzv olduqları qruplara təkrar nəzər salmadığından bu qrupda qalmağı davam etdirir.