Bu günə qədər çips üzərində aparılan araşdırmaların hamısı bu qidanın əleyhinə olub. Amma yeni təqdiqatlar çox insanların sevdiyi, ancaq zərərli olduğunu düşündükləri üçün yeməkdən çəkindikləri çipsin xeyrini müəyyən edə biliblər. Sən demə, çips çəkinin artmasına səbəb olsa da, insanın xoşbəxt olmasına, onun sakitləşməsinə yol açır. Səbəb isə onun tərkibindəki karbohidratların, dad və qoxunun insana uşaqlıq illərini xatırlatmasıdır.

Böyük Britaniyanın Birminqam şəhərindəki Aston Universitetinin alimləri 60 kişi və qadın üzərində təcrübə aparıblar. Onlara ilk olaraq 1945-ci ildə Xirosimada baş verən hadisələr izlətdirilib. Sonra hadisənin təsirindən çıxmaq üçün onların yarısına jurnal, yarısına isə çips verilib. Bəlli olub ki, çips yeyən şəxslər özlərini daha yaxşı, xoşbəxt hiss edib və 20 dəqiqə sonra sakitləşə biliblər.