www.nice.az > Çap versiyası

Bir qız küsdürmüşəm... Məndən xəbərsiz
Bu kədər o qızı apardı hara?..
Həsrəti payıztək çöküb hər şeyə,
Yağıb şəhərlərə, qərib yollara ..

İndicə yenə də düşəcək axşam-
Bir əzab, bir həsrət axşamı kimi.
Çölə yağan yağış görünür mənə-
Onun göz yaşının davamı kimi ..

Bir də özgəsini sevməsin deyə
Bu qəmlə bağrını dağlayacaqdır.
Yanında adımı çəksəniz əgər
Oturub uşaqtək ağlayacaqdır ..

O qızı gəzirəm sevindirməyə.
Bir qəm zülmətində itməsin deyə.
Ümiddən, arzudan, taledən uzaq
Hardasa bir qəm tək bitməsin deyə! ..

Hardasan [şeir]