FORMAT:mp4 HƏCMİ:1.5mb

İki dişi və burnu sınan İtaliyanın baş naziri Silvio Berluskoni hələ də xəstəxanadadır.
Həkimlər müalicəsinin davam etdiyini və vəziyyətinin normal olduğunu desələr də özəl həkimi baş nazirin kefsiz olduğunu, habelə yemək yeməkdə çətinlik çəkdiyini bildirib. Həkimin sözlərinə görə baş nazirin yaraları 20 günə sağalacaq və ən tez sabah xəstəxanadan çıxa bilər.
Baş nazir səhər tezdən oxumaq üçün qəzet istəyib. Bununla belə onun yaxın günlərdəki görüşləri təxirə salınıb. Təhlükəsizlik qüvvələri isə bildirir ki, atılan əşya cəmi 1 santimetr böyük olsaydı baş nazirin gözü də çıxa bilərdi.
Dindirilmə zamanı baş nazirə hücumundan danışan Massimo Taraqliya isə Berluskoniyə nifrət etdiyini deyib. O, hücumu əvvəldən planlamadığını və bir anda qərar verdiyini desə də üstündən istiot qazının da çıxması polisi buna inandırmır.
42 yaşlı Massimo Taraqliya baş nazir Berluskoniyə "Bu alçaqcasına hərəkətimə görə üzr istəyirəm" deyə başlayan bir məktub da göndərib. İtaliya mediasındakı xəbərlərə görə məktubu vəkilləri vasitəsi ilə göndərib. Taraqliya baş nazirə hücumunu "axmaq, alçaq və düşüncəsiz hərəkət" olaraq xarakterizə edib və üzr istəyib.
10 il psixoloji müalicə alan Taraqlia təkcə bu hərəkəti etdiyini və heç bir siyasi və cinayət şəbəkəsi ilə əlaqəsinin olmadığını bildirib. Həbsxanada xüsusi müşahidə altında saxlanılan Taraqliyanı 5 ay yarımdan 5 ilədək həbs cəzası gözləyir.
Massimo Tartaqlianın 17 il əvvəl "Myuzik Pikçır" adlı komputer oyunu yazdığı və Berluskoniyə məxsus "İl Cornale" qəzetinin ondan müsahibə aldığı ortaya çıxıb. Ancaq onun siyasətə heç bir marağı olmayıb. Hətda onun bu hərəkəti atasını belə heyrətləndirib.