Dünən axşam keçirilən Çempionlar Liqasının IV turunun oyunlarından sonra 1/8 final mərhələsinə vəsiqə qazanan 4 klubun adı dəqiqləşib. 4 komanda artıq ilk iki pillədən birini təmin edib.
A qrupunda "Bordo" ÇL-in 1/8 finalına vəsiqə qazanıb. B qrupunda eyni uğura "Mançester Yunayted" imza atıb.
D qrupunda hər isə iki xoşbəxtin adına aydınlıq gəlib. Belə ki, artıq "Çelsi" və "Portu"nun ilk iki pilləni tutduğu rəsmiləşib. Qarşıdakı iki turda onlardan hansının birinci, hansının isə ikinci olacağı müəyyənləşəcək. Bu qrupda həmçinin Avropa Liqasına yollanacaq komandanın da adı müəyyənləşəcək. Qeyd edək ki, bu vəsiqə uğrunda "Atletiko" və APOEL mübarizə aparır.