www.nice.az > Xəbərlər > 20 Yanvar əlillərinə prezident təqaüdü veriləcək
20 Yanvar əlillərinə prezident təqaüdü veriləcək20 yanvar 2011. Müəllif: M1rZ3 |
![]() Prezident İlham Əliyevin imzaladığı sərəncama əsasən, əlillər aylıq 100-150 manat alacaq Azərbaycan prezidenti İlham Əliyev 1990-cı ilin 20 Yanvar hadisələri ilə əlaqədar əlil olmuş şəxslərə Azərbaycan Respublikası Prezidentinin təqaüdünün təsis edilməsi haqqında Fərman imzalayıb. APA-nın məlumatına görə, 1990-cı ilin 20 Yanvar hadisələri ilə əlaqədar sağlamlıqlarını itirərək əlil olmuş şəxslərin sosial müdafiəsini gücləndirmək və onlara dövlət qayğısını artırmaq məqsədi ilə imzalanan Fərmanda 20 Yanvar hadisələri ilə əlaqədar əlil olmuş şəxslərə Azərbaycan Respublikası Prezidentinin təqaüdü təsis edilib və onun aylıq məbləği aşağıdakı kimi müəyyən olunub: I qrup əlillərə – 150 manat II qrup əlillərə – 130 manat III qrup əlillərə – 100 manat. Təsis edilən təqaüd Əmək və Əhalinin Sosial Müdafiəsi Nazirliyi tərəfindən dövlət büdcəsinin “Sosial müdafiə və sosial təminat bölməsi†vəsaiti hesabına ödənilir. Fərman 2011-ci il yanvarın 1-dən qüvvəyə minir. |