Genius - dan Yeni Veb - Kamera
21 dekabr 2010. Müəllif: HiTMaN
Genius Şirkəti yeni FaceCam 1000 Veb - Kamerasını təqdim etdi. Yeni Veb Kameranın ölçüləri 56 x 40 x 28 mm, çəkisi isə 16 qramdır. FaceCam 1000 bir sıra səciyyəvi xüsusiyyətləri ilə seçilir: Bu, şirkətin 720p çözünürlüklə və saniyədə 30 kadr sürətlə video çəkib ötürə bilən ilk vebkamerasıdır; Kamera həm də 8 megapiksel maksimal çözünürlüklə şəkil də çəkə bilir; FaceCam noutbuklara quraşdırılmaq üçün nəzərdə tutulur, vebkameranın dəstəyi qurğunu öz oxu ətrafında 360 dərəcə döndərməyə, onu 75 dərəcə arxaya və önə əyməyə imkan verir; Kameranın quraşdırılması üçün xüsusi drayverə ehtiyac yoxdur, amma dəstə xüsusi proqram təminatı olan CrazyTalk daxildir. Crazy Talk onlayn ünsiyyət zamanı istifadəçinin imkanlarını genişləndirir və lentə alınmış videonu Facebook və YouTube-yə yükləmə prosesini sadələşdirir; Danışıqların gizliliyinin saxlanılması üçün IPM funksiyası nəzərdə tutulmuşdur. IPM funksiyası qurğuya sanksiyalaşdırılmamış kənar qoşulma ehtimalını aradan qaldırır; Qurğu Windows 7, Vista və XP, eləcə də Mac OS Əməliyyat Sistemləri ilə çalışır. Satış Tarixi və Qiyməti: FaceCam 1000 vebkamerası 2011-ci ilin yanvarında satışa çıxarılacaq, təxmini qiyməti 70 Manatdır.