Oksanaya oynamaq qadağan edildi
17 dekabr 2010. Müəllif: GHoSTMaN
Bir müddət əvvəl səhhəti pisləşən rəqqasə Oksana Rəsulova təcili olaraq Rusiyaya müalicəyə gedib. 10 ildi böyrək ağrılarından əziyyət çəkən rəqqasənin vəziyyəti yenidən pisləşib. İki həftə həkim nəzarətində olan Oksanaya rəqs etmək qadağan olunub: «Həkimim bu vəziyyətdə səhnəyə çıxmağıma qadağa qoyub. Rəqs edən zaman ağrılar yenidən baş qaldırmasın deyə, həkim bir müddət sənətdən uzaq durmağımı tapşırıb. Amma mən peşəmə o qədər bağlanmışam ki, qısa zamanda olsa belə, səhnədən uzaq dura bilmərəm». Müalicəsini davam etdirən rəqqasə səhnədən uzaqlaşmasa da, səhhətinin qayğısına qaldığını bildirdi.