Gəncədə 5 yaşlı oğlanın 24 barmağı var
16 dekabr 2010. Müəllif: MuXa
Gəncənin Bağmanlar qəsəbəsində yaşayan 5 yaşlı Ələkbərov Mövsüm Cəmşid oğlunu həmyaşıdlarından fərqləndirən cəhət onun əl və ayaqlarında barmaqlarının artıq olmasıdır. Mövsüm Ələkbərovun hər əl və ayaqlarında bir barmaq artıq olmaqla cəmi 24 barmağı var. Barmaqlarının artıq olması onun hərəkətinə heç bir maneçilik törətmir.
Mövsüm Ələkbərov digər həmyaşıdları kimi uşaq bağçasına gedir, rəsm çəkir, yəni sərbəst hərəkət edir. Atası Cəmşid Ələkbərov deyib ki, onlara uşağın artıq barmaqlarının cərrahiyyə əməliyyatı ilə götürülməsini məsləhət görsələr də, buna razı olmayıblar.
Həkimlər də bunun xəstəlik olmadığını bildiriblər. Eyni zamanda həkimlər bu cür doğulan uşaqların artıq barmaqlarının funksional hərəkət qabiliyyətli olmadığından bir artıq ət kimi cərrahiyə yolu kəsilib götürülməsinin mümkünlüyünü deyiblər
