Qalatasarayın futbolçusu siqaret çəkərkən yaxalanıb

Okeanın bu tərəfinə keçən kimi bir anda milyonçuya çevirilib, şöhrət qazanan cənubi amerikalıların bəziləri qısa zamanda həyatına nəzarəti itirir. Bəzi hallarda bu faciə ilə də nəticələnir, böyük bir istedad bir anda yox olub gedir.
Braziliyalı futbolçuların intizamsızlığı ilə bağlı daha bir fakta bu günlərdə Türkiyədə rast gəlinib. Fanat.az xəbər verir ki, "Fox TV"nin müxbiri Harun Muslu "Qalatasaray"ın "Everton"dan transfer etdiyi braziliyalı Jonu (Joao Alves) bir gecə klubunda siqaret çəkərkən yaxalayıb. "Fox TV"də yayımlanan görüntülərdə Jonun dostları ilə getdiyi gecə klubunda siqaret çəkdiyi görünür.