İsveçrə hicaba "hə" dedi
8 yanvar 2010. Müəllif: krik
Ölkənin ultrasağ İsveçrə Xalq Partiyasının (İXP) məktəblərdə başörtüyünün qadağan edilməsi ilə bağlı layihəsi Sürix Şəhər Məclisində səs çoxluğu ilə qəbul edilməyib. Minarə inşa edilməsini qadağan edərək, beynəlxalq ictimaiyyətin tənqid hədəfinə çevrilən İsveçrədə müsəlman şagirdlər başörtüyü ilə məktəbə gedə biləcəklər. İXP tərəfindən Sürix Şəhər Məclisinə təqdim olunan layihənin lehinə 65 nəfər səs verdiyi halda 104 nəfər təklifin əleyhinə çıxıb. Həmçinin, məclis üzvləri müsəlman məktəblilərin Ramazan ayında idman dərslərində məcburi iştirakını nəzərdə tutan təklifə də qarşı çıxıblar. Sözügedən layihə iqtidar və digər müxalifət partiyalarının nümayəndələri tərəfindən bəyənilməyib.