Masallıda dəhşət: 2 yaşlı qız zorlanaraq öldürülüb
19 iyul 2012. Müəllif: Lura
Masallı rayonunun Lürən kəndində dəhşətli qətl hadisəsi törədilib. 2 yaş yarımlıq Nuray Elmar qızı Ağayeva yaxın qohumu və qonşusu 17 yaşlı İsrafilov Ramin Gülməmməd oğlu tərəfindən xususi amansızlıqla qətlə yetirilib.
Hadisə ötən gün saat 15 radələrində baş versə də, yaxınları körpə qızın üzərində zorakılıq əlamətləri olan meyidini 2 saat sonra Viləş kanalının kənddən keçən ərazisindəki çöllükdə aşkarlayıblar. Günahsız uşağın nə səbəbə qətlə yetirilməsi valideynlər üçün qaranlıqdır.
Balasının amansız ölümündən sarsıntı keçirən ana danışa bilməsə də, ata qızının qatilinə ən ağır cəza istəyir.
Qeyd edək ki, artıq faktla bağlı Masallı rayon Prokurorluğunda Azərbaycan Respublikası Cinayət Məcəlləsinin 120-ci maddəsinin bir neçə bəndi ilə cinayət işi başlanıb. Prokuror müavini Rəzzaq Gözəlov cinayət əməlini törətməkdə şübhəli bilinən 17 yaşlı Lürən kənd sakini İsrafilov Ramin Gülməmməd oğlunun saxlanıldığını, iş üzrə ekspertizalar təyin olunduğunu, yaradılmış əməliyyat qrupunun qətlin səbəblərini araşdırdığını bildirib.
Prokurorluq rəsmisi qətlin baş verməsinin dəqiq səbəblərinin meyidin daxili ekspertizasının rəyi məlum olduqdan və istintaq tədbirləri başa çatdırıldıqdan sonra açıqlanacağını deyib.
Hadisə ötən gün saat 15 radələrində baş versə də, yaxınları körpə qızın üzərində zorakılıq əlamətləri olan meyidini 2 saat sonra Viləş kanalının kənddən keçən ərazisindəki çöllükdə aşkarlayıblar. Günahsız uşağın nə səbəbə qətlə yetirilməsi valideynlər üçün qaranlıqdır.
Balasının amansız ölümündən sarsıntı keçirən ana danışa bilməsə də, ata qızının qatilinə ən ağır cəza istəyir.
Qeyd edək ki, artıq faktla bağlı Masallı rayon Prokurorluğunda Azərbaycan Respublikası Cinayət Məcəlləsinin 120-ci maddəsinin bir neçə bəndi ilə cinayət işi başlanıb. Prokuror müavini Rəzzaq Gözəlov cinayət əməlini törətməkdə şübhəli bilinən 17 yaşlı Lürən kənd sakini İsrafilov Ramin Gülməmməd oğlunun saxlanıldığını, iş üzrə ekspertizalar təyin olunduğunu, yaradılmış əməliyyat qrupunun qətlin səbəblərini araşdırdığını bildirib.
Prokurorluq rəsmisi qətlin baş verməsinin dəqiq səbəblərinin meyidin daxili ekspertizasının rəyi məlum olduqdan və istintaq tədbirləri başa çatdırıldıqdan sonra açıqlanacağını deyib.