www.nice.az > Xəbərlər > "Muhteşem Yüzyıl"ın Rusiyada yayımının dayandırılması səbəbi açıqlandı!

"Muhteşem Yüzyıl"ın Rusiyada yayımının dayandırılması səbəbi açıqlandı!


6 fevral 2012. Müəllif: NiXaTo
"Muhteşem Yüzyıl"ın Rusiyada yayımının dayandırılması səbəbi açıqlandı!

Türkiyədə və eləcə də ölkəmizdə izlənmə rekordları qıran "Muhteşem Yüzyıl" serialının Rusiyada yayımının dayandırılması məsələsinə aydınlıq gətirilib. Türkiyə mətbuatına istinadən verdiyi məlumata görə, serialın dayandırılmasının səbəbi Rusiyanın "Domaşnıy" kanalı ilə anlaşmanın bitməsi ilə əlaqədardır.
Bunu jurnalistlərə açıqlamasında serialın yaradıcısı və ssenaristi Meral Okay bildirib.
O qeyd edib ki, "Domaşnıy" kanalı ilə sadəcə 13 seriya üçün anlaşma imzalanmışdı. "Yenidən müqavilə bağlanılarsa, kanal serialın yayımına davam edə bilər".

Xatırladaq ki, Rusiyanın "Domaşnıy" kanalının yayımı dayandırması mediada böyük qalmaqal yaratmışdı. İrəli sürülən versiyalara görə, Kreml Osmanlı tarixindən bəhs edən, onun təbliğatı ilə məşğul olan serialın dayandırılmasını kanaldan istəyib.
Serialın pərəstişkarına çevrilən ruslar isə türk dili öyrənməyə başlayıb. Onlar seriala orijinaldan baxmaq üçün bu addımı atdıqlarını açıqlayıblar.