Azərbaycanda qış necə keçəcək?
1 oktyabr 2011. Müəllif: Honey
İsti yayla şaxtalı qış arasında əlaqə haqda Ekologiya və Təbii Sərvətlər Nazirliyinin İqlim dəyişmələri və ozon mərkəzinin direktoru Gülmalı Süleymanov "Exo" qəzetinə danışıb. O, yayda qeydə alınmış son dərəcə isti hava şəraitinin qarşıdan gələn qışa heç bir aidiyyatının olmadığını söyləyib.
Bununla yanaşı, dünyadakı ümumi tendensiyadan danışan G.Süleymanov iqlimin dəyişdiyini xatırladıb: "Yerdə son 100 ildə qeydə alınan iqlim prosesləri son 30 ildə daha sürətlə getməyə başlayıb. Bu il yayda hava əslində, demək olar ki, normada olub. Cəmi bir neçə günü istisna etmək olar. Qışa gəlincə, dünyadakı tendensiya elədir ki, qış fəsli əvvəlki illərlə müqayisədə isti keçir. Bu il də qışın daha "yumşaq" keçəcəyini düşünürəm".