Tarkan Bakıda konsert verə bilər

Türkiyənin meqa-starı Tarkanın oktyabrın 18-də Bakıda - dənizkənarı Milli Parkda açıq hava altında konsert verəcəyi gözlənilir. Konsertlə bağlı yayılan xəbərlərdə bildirilir ki, Tarkan bu çıxışı üçün qonorar tələb etməyib. Konserti arzu edən hər kəs izləyə biləcək, yəni konsert biletsiz baş tuta bilər.
Bulvar İdarəsinin rəis müavini Nazim Məcidov yayılan məlumatı tam təkzib etməyib:

“Hələ ki konsertlə bağlı danışıqlar aparılmayıb. Adətən bu cür konsertlərdə bizə 10 gün əvvəldən müraciət edilir. O səbəbdən də konsertin olub-olmayacağını dəqiq deyə bilmərəm”.