Şou-biznes ulduzlarımızın Facebook macəraları
26 iyul 2011. Müəllif: Naxcione
Hər nə qədər Azərbaycanda şou-biznesin inkşafının və mövcudluğunun yoxluğu iddia edilsə də bu tip proqramlar ilə televiziya efirimiz boldur. Həmin verilişlərə baxanda məşhur müğənnilərimizdən birinin müsahibə verdiyini görüb diqqət yetirdim, müsahibəsinin əsas mövzusu isə “Facebook†idi. Belə ki, müğənni həmin şəbəkədə onun bir neçə saxta profilinin mövcudluğundan şikayətlənib insanları inanmamağa çağırırdı. Hətta bəzi yerlərdə saxta profillərində dost siyahılarında olan insanların ona müraciət edib söhbətləşməkdən məmnun olduqlarını bildirməsinin onu narahat etdiyini xüsusi vurğulayırdı.
Milli.Az xəbər portalında başlayan jurnalist karyeram və gənclərlə bağlı bir neçə layihə işləməyim səbəbilə Facebook əhatəm genişdir və şəbəkəmdə 5 min dostum, 3 qrupum, bunlardan əlavə, şəxsi profilimin olmasını nəzərə alsaq, bu haqda söz deməyə haqqım olduğunu düşünmək olar. Hansı ki, həmin profillərimdən birində xanımın əsl profili ilə dost olduğumu bilirdim. Bu səbəbdən də xəbər mənə qeyri-adi gəldi. Amma reportajın sonunda müğənni hal hazırda şəxsi profilinin mövcud olduğunu etiraf etdi və son açıqlaması sayəsində niyə Facebook haqqında bu qədər ağız dolusu danışdığını üstüörtülü bildirdi.
Belə ki, “Artıq şəxsi profilimi bağlayıram və bundan sonra ancaq bəyənmə səhifəmin mövcud olacağını bildirirəm. Kimin ürəyi istəsə, buyursun bəyənsin†dedi. Sən demə, bayaqdan bu qədər Facebook-u reklam etməyinin əsas məqsədi, əslində, öz bəyənmə səhifəsinin təbliğatı imiş. Amma xatırladım ki, xanım müğənnimizin reklam strategiyası çox tez zamanda öz effektini verdi və səhifəsini bəyənənlərin sayı günü-gündən daha çox artdı.
Facebook-da tanış olub dostlaşan şou-biznes nümayəndələri
Bir neçə ay əvvəl məşhur azərbaycanlı model ilə müğənninin eşq macərası söz-söhbəti qulaqdan-qulağa yayıldı. Efirə çıxıb "biz çox yaxşı dostuq" iddialarını nə qədər səsləndirsələr də Facebook-da özləri tərəfindən birgə şəkilləri yayımlandı. Düzü, bəziləri bunu qəsdən, reytinq xətrinə etdiklərini, kimiləri də bir-birilərini sevdiklərini, amma bunu cəmiyyətdən gizlətdiklərini düşünürdü. Zaman keçdikcə, insanlar həqiqətin şahidi oldu və gördü ki, onlar arasında ancaq dostluq var imiş və Facebook onların sadəcə, reytinqinə xidmət edirmiş. Çünki model təzə sevgili tapdı, müğənni isə başqa qızla evləndi...
Azərbaycanlı reperlər Facebook-dan istifadə edirmi?
Ancaq efirdə gördüyüm və şəxsi tanışlığım olmayan bir reper var idi. Günlərin bir günü onun profilindəki dostları ilə bir çox ortaq dostlarım olduğu üçün Facebook səhifəsinin elanını gördüm və marağa dostluq göndərdim. Dostluğum qəbul edildikdən sonra isə onun profili vasitəsilə həm şəxsi həyatı, həm də şəxsiyyəti haqqında bir çox məlumatlar aldım.
Belə ki, çox özündən razı, insanlara yuxarıdan aşağı baxdığını hesab etdiyim insanın nə qədər sadə və səmimi olduğunu, fanatları tərəfindən ona ünvanlanan müraciətlərə necə səmimi cavab verdiyinin və insanlara çox hörmət edib, sevdiyinin şahidi oldum. Bir çox yeni layihələrini də profili vasitəsi ilə paylaşdı və böyük uğur qazandı.
Facebook vasitəsilə "Eurovision"a getmək istəyənlər
Bir neçə ay əvvəl Azərbaycanda "Eurovision"a təmsilçi seçmək üçün milli seçim turu keçiriləndə Facebook-da yeni ulduzlar peyda olmağa başladı. Bəyənmə reklamlarında "Eurovision" yazısı altında tanınmamış simalar tanınmağa can atırdı. SMS nömrələrinə dəstək gözlədiklərini vurğulayıb, seçim turunu keçmək üçün Facebook reklamlarına pul xərcləyənlər nəinki "Eurovision"a gedə bilmədi, hətta yarışdıqları həftənin belə, qalibi ola bilmədilər.
Sual yaranır: “Uğursuzluğun səbəbi həmin namizədlərin səhnə fəaliyyətlərinin zəif olması idi, yoxsa Facebook reklamlarının effektsizliyi?†Düzü, Facebook-da bir çox insanlar reklamlardan xeyir görüb və hətta bəzi çökmək üzrə olan şirkətlər belə, bu yolla ayağa qalxmağı bacarıblar. Deməli, əgər lazımi istedadın və səsin yoxdursa, hətta Facebook da kömək edə bilməz.
Facebook-un yeni ulduzları
Facebook reklamlarından “Yeni ulduz müsabiqəsinin iştirakçıları da xeyir görmək istədi, amma... yaxşı yadımdadır, bir gənc qız var idi, öz profilini reklam etdirirdi. Vaxtilə “Yeni ulduz†müsabiqəsində iştirak etmişdi, amma uğur qazana bilməmişdi. Yadda qalan bir çıxışı da olmamışdı. Facebook reklamlarından ona qalan isə sadəcə gənc oğlanların şəkillərinə xoş sözlər yazması oldu. O, hələ də Azərbaycan səhnəsində yoxdur...
Saxta profillər
İstənilən şou-biznes nümayəndəsindən Facebook-unun olub olmamasını soruşanda hamısı öz narazılığını bildirir ki, mən orda yoxam, amma adımdan istifadə edib, profilimi yaradanlar çoxdur...
Sizə bir sirr açım? Əslində, əksər məşhurların qeyi-məşhur bir profili var və bunu qəbul etməsələr də ən yaxın dostlarıyla ünsiyyət qura bilmək üçün onlar da Facebook istifadəçisidirlər...
