www.nice.az > Çap versiyası > 6 müəllim məktəbi biabır etdi

Diqqət! Bu linki görmək üçün zəhmət olmasa qeydiyyatdan keçin.

"The Daily Mail"ə istinadən bildirir ki, Böyük Britaniyanın Milton Keyns şəhərindəki Lanqlend ibtidai məktəbini qalmaqal titrədir. Bu məktəbin altı müəlliməsinin əyləncələri artıq dillərdə dolaşır.

Aralarında məktəb direktorunun müavini də olan 6 qadın müəllimə istirahət günlərindən birində əməlli-başlı "əylənmək" qərarına gəliblər.

Yeyib-içəndən sonra onlar hərbçi paltarları geyinərək sərxoş vəziyyətdə şəkillər çəkdiriblər.
Bununla da kifayətlənməyən başabəla pedaqoqlar həmin şəkilləri "Facebook" sosial şəbəkəsindəki akkauntlarında yerləşdiriblər.

Həmin şəkillər isə valideynləri az qala çılğına döndərib.

"Oğlumu həmin məktəbdən çıxaracağam. Müəllimələri belə biabırçılıqla məşğul olan məktəbdə oğluma nə təhsil-tərbiyə verə bilərlər ki?! - valideynlərdən biri deyib.

Sərxoş "əyləncə"yə qatılmış müəllimələrdən Viktoriya Körtis, Rebekka Gilbert, Cennna Ostin və Donna Kristinin işdən kənarlaşdırılmaları gözlənilir.