Sportcar Opel Astra
13 avqust 2009. Müəllif: braTIK
Sportcar Opel Astra iki ilə debüt edəcək
Beş qapılı hetçbek və universal Opel Astra-dan sonra bazara üç qapılı hetçbek Opel Astra gəlir. Verilən məlumata görə, sportcar aqressiv dizayna, iri hava dəliklərinə, yürüş avtomobillərinə xas olan disklərə və gündüz vaxtı istifadə olunan işıq diodlarına malik olacaq. Avtomobilin dizayneri Malkolm Uord bildirib ki, modelin dizaynı diqqət cəlb edən, heyranedici görünüşə malik olacaq. Belə ehtimal olunur ki, üç qapılı hetçbek beş qapılı model Opel Astra-nın mühərikki ilə təchiz ediləcək. Avtomobil 120-180 at gücü istehsal edən benzin, 95-160 at gücü istehsal edən dizel mühərikki ilə təmin olunacaq. WorldCarFans-ın verdiyi məlumata görə avtomobil bazarına hetçbek Opel-in Astra OPC modeli də çıxarılacaq. Avtomobilin satışına 2011-ci ildə başlanılacaq.