Dostlarıyla vodka içən adam, içkinin dozunu qaçırdıqdan sonra şoka salan cinayət işləyib.

Rusiyada baş verən dəhşətli hadisədə 35 yaşlı şəxs 41 yaşlı dostunu öldürdüyünü, sonra da cəsədini kəsib yediyini polisə etiraf edib. İçki məclisində əyləndiklərini deyən adam yeməyin qurtarmasından sonra dostunu bişirib yediyini, ətinin qalanını da “donuz ətidir” deyib satdığını açıqlayıb.

Əti alan bir şəxs onun dadından və iyindən şübhələndiyi üçün ekspertlərə müraciət edib. Aparılan ekspertizadan sonra ətin heyvan əti olmadığı bəlli olub və dərhal polisə xəbər verilib. Polis əti satan şəxsin evinə basqın edib və dəhşətli cinayət və hannibalizm faktı ortaya çıxıb.
Polis cinayətkarın evindəki soyuducuda insan başı tapıb, qurbanın digər qalıqları isə evin həyətindəki zibillikdən tapılıb.

Polis rəsmisi Avrora Rimskaya qatilin eyni əti daha iki qonşusuna satdığını, ancaq bu şəxslərin polisə şikayət vermədiyini deyib.