Bu günlərdə göldən çıxarılmış “Bugatti”nin isə taleyi bir qədər fərqli olub.



Lent.az-ın “leparisien.fr”-ə istinadən xəbərinə görə, sözügedən “Bugatti Brescia” (Bugatti Type 13) 11 aprel 1925-ci ildə alınaraq Fransanın Nansi şəhərinə gətirilib. Qısa vaxt ərzində avtomobil bir-neçə nəfərə satılıb. Sonradan avtomobil son sahibini İsveçrədə tapıb. Gömrük rüsumunu ödəməmək üçün avtomobilin sahibi onu anbarda elə Fransa nömrəsi ilə saxlayıb. Avtomobil sürülməsə də, dövlət onun Fransadan alınmasından xəbər tutub. O vaxtkı İsveçrə qanunvericiliyinə əsasən gömrük rüsumu ödənilməyən avtomobillər məhv edilməli idi. O zaman ölkədə ekoloji qanunvericilik sərt olmadığı üçün gömrük işçiləri asan yola əl atırlar: avtomobil Böyük Gölə atılır.

1967-ci ildə dalğıc idman qrupu bu avtomobili 53 metr dərinlikdə aşkar edir. Avtomobilin çıxarılmasına bir neçə dəfə cəhd edilsə də bir nəticə hasil olmur.

Nəhayət, 2009-un yayında avtomobil sudan çıxarılır. 73 il su altında sol tərəfi üstə qalan avtomobilin detallarının 20 faizi bərpa üçün yarayırdı. Təkərlərdə hava vardı (Keyfiyyət belə olar – müəl.)

Avtomobili sudan çıxaran qrup onu bərpa edərək yanvar ayında Retromobile 2010 sərgisində satışa çıxarmaq istəyir.