Rusiyalı həkimlər donuz qripi ilə quş qripinin qarşığından yeni bir virusun ortaya çıxa biləcəyi xəbərdarlığını edib. Yeni virus sürətlə yayılacaq və daha çox ölümlərə səbəb olacaq. Rusiya Xalq Səhiyyə İdarəsi rəhbəri Gennadi Onişenko mətbuata verdiyi açıqlamada donuz qripi virusu ilə quş qripi virusunun qarışığından ibarət olan yeni virusun ortaya çıxa biləcəyi xəbərdarlığını edib. Gennadi Onişenko bildirib ki, dünyada təxminən yarım milyon insana yoluxmuş və 7 min 800 insanın ölümünə səbəb olan donuz qripi (H1N1 virusu), mövsümü qriplə və quş qripi ilə birləşərək daha güclü bir virusa çevriləcək. H5N1 quş qripi və H1N1 virusların birləşməsi nəhəng bir mələz halına gələ biləcəyini ifadə edən mütəxəssislər, bu virusun əvvəlkindən daha çox ölüm hallarına və epidemiyalara yol aça biləcəyini söyləyirlər. Mutasiyaya uğrayan yeni virus növü insanlar arasında daha sürətlə yayılacaq. Virusun mutasiyaya uğradığı mövzusu ilə əlaqədar məlumatlarla birgə donuz qripinin müalicəsi üçün istifadə edilən Tamiflunun da virusa qarşı təsirsiz olduğu qeyd edilıir. AFP-yə açıqlama verən mütəxəssislər, mutasiyaya uğrayan virusun bəzi hallarda ağciyər toxumalarına təsirinin arta biləcəyini önə çəkiblər.