Çində tapılan və 16.7 metr uzunluğunda olduğu iddi edilən bir ilanın şəkli internetdə sessasiya yaratarkən, yerli səlahiyyətlilər isə xəbər və şəklin “uydurma” olduğunu bildirib.
Çin Communist Partiyasının qəzeti People's Dailynin web saytında yayımlanan xəbər və şəkildə, Jiangşi bölgəsindəki Guiping kəndi ətrafında yol inşaatı üçün meşədə səliqə-səhman işləri ilə məşğul olan işçilərin iki nəhəng boa ilanı tapdıqları bildirilib.
Buldozer torpağı qazarkən ilanlardan birini yaraladığını yazan qəzet, eyni anda qızılı rəngli ikinci bir ilanın ağzı açıq bir halda ortaya çıxdığını, buldozer operatorunun qorxudan iflic olduğunu, digər işçilərin də canlarını qurtarmaq üçün qaçdıqlarını iddia edib.

İşçilər geri döndükdə yaralı boa ilanının öldüyünü və digər ilanın yox olduğunu, buldozer operatorunun qorxudan ürəyi keçmiş halda yatdığını qeyd edən Çin qəzeti, operatorun xəstəxanaya gedərkən infarkt keçirərək öldüyünü yazıb.

Qəzetə görə, 16.7 metr uzunluğunda və 300 kiloqram çəkidə olan ölü boa ilanının 140 yaşında olduğu güman edilir. Guipingdəki yerli hökumət nümayəndələri isə, ərazidə boa ilanının yaşamadığını bildirərək, xəbər və şəklin yalan olduğunu bildirib.