Türkiyənin İstanbul şəhərinin Kadıköy Osmanlı məhəlləsində əxlaqsızlıq yuvasının fəaliyyət göstərdiyi barədə yerli Əmniyyət Müdirliyinə əməliyyat məlumatı daxil olub...
Bundan sonra polis araşdırmalara başlayıb. Məlum olub ki, həqiqətən də sözügedən ərazidəki əvvəllər tələbə yataqxanası kimi fəaliyyət göstərmiş binada əxlaqsızlıq yuvası var. Belə ki, Ərdoğan Sarı adlı türk vətəndaşı təxminən üç ay əvvəl həmin binanı ayda 6000 yeni türk lirəsinə (təqribən 3000 dollar) icarəyə götürüb, sonra isə oranı yüngül əxlaqlı qadınların «xidmət servisi»nə çevirib.
Bundan sonra polis həmin binaya əməliyyatçılar göndərib, nəticədə 9 nəfər yüngül əxlaqlı qadın yaxalanıb. Türk mediasına istinadən verdiyimiz məlumata görə, həmin qadınlardan dörd nəfəri Azərbaycandan gəlmiş zərif cinsin nümayəndələri olub. Daha beş qadın isə türkmən çıxıb.
Ərdoğan Sarı məhkəmə tərəfindən həbsə göndərilib, fahişə qadınların sonrakı taleyi barədə isə hansısa bilgi verilmir.
Bu arada yayılan başqa bir məlumata görə, Türkiyənin Çorum şəhərinin Sunqurlu qəsəbəsində qadınları əxlaqsızlığa məcbur edən çetenin üzvləri aşkarlanıb və həbs edilib. Çete üzvləri 10 nəfər olublar. Onlardan 9-u haqqında yerli məhkəmə həbs qərarı çıxarıb. Bir nəfər isə istintaqa verdiyi ifadəsinin ardından günahsız hesab edilərək sərbəst buraxılıb.
Türk mətbuatına istinadən bildirir ki, həbs olunan 9 nəfərdən biri azərbaycanlı olub. Qadın alveri ilə məşğul olan bu üzqarası soydaşımızın 36 yaşı var. Polis yalnız onun ad və soyadının baş hərflərini açıqlayıb: L.Ç.