Asan yemək
1 fevral 2011. Müəllif: damn think
«TEZBAZAR» SALATI
100 q dana əti
1 ədəd pomidor
1 ədəd kök
2 dilim çörək
1/2 soğan
Tumsuz zeytun
Cəfəri
Mayonez
Duz
İstiot
Bişmiş kökü doğrayın, çörəyin dilimlərini də kub şəklində doğrayıb bitki yağında qızardın. Soğanı halqa, pomidoru dairə şəklində, dana ətini uzun-uzun doğrayın. Boşqaba əvvəlcə kahı qoyun, üstünə pomidor, mayonez, kök, çörək, soğan, zeytun, ət düzün, duz, istiot vurun. Salatı cəfəri ilə bəzəyin.
ƏT YUVASI
300 q ət qiyməsi
90 q baş soğan
90 q pendir
90 q kivi
1 ədəd yumurta
Ət qiyməsinə yumurta və doğranmış baş soğanı əlavə edin. Ətdən «səbət» hazırlayın və tavada qızardın. Pendiri sürtgəcdən keçirin, «səbətlər»in içinə doldurun, üstünə kivi qoyun, folqaya büküb hazır olanadək sobada bişirin.
«VALENTİNKA» PİROJNALARI
3 ədəd yumurta
250 q şəkər tozu
200 q un
1 ədəd yumurtanın ağı
Cem (çiyələk, moruq, albalı)
Duz
Yumurtaları 200 q şəkər tozu ilə çırpın. Un əlavə edib yaxşıca qarışdırın. Qəlibə yağ çəkin və ya bişirmə üçün xüsusi kağız salın. Xəmiri əlavə edib 180 dərəcə qızdırılmış sobada 25-30 dəqiqə bişirin. Kağızdan ürək şəklində trafaret kəsin və onun köməyilə soyumuş biskviti ürək formasında kəsin. Yumurtanın ağını 50 q şəkər tozu və bir çimdik duzla köpüklənənə və qatı olana kimi çalın. Trafaretin köməyilə bişirmə üçün xüsusi kağızda karandaşla ürək şəkli çəkin. Bezeni mətbəx şprisinə töküb (şprisiniz yoxdursa, paket düzəldib, bezeni töküb ucunu kəsə bilərsiniz) kağızdakı ürəyin kənarlarını haşiyələyin. 100 dərəcə qızdırılmış sobada 50 dəqiqə bişirin. Hər ürəyə meyvəli və ya giləmeyvəli cem sürtün, üstündən bezeni qoyun.