www.nice.az > Çap versiyası > Mən köhnə dostum üçün darıxıram! [Şeir]

Ya zaman tez ötdü, ya mən dəyişdim,
Bəlkə də həyatın qanunu budur.
Ya doğruluq qaçdı, yalanı seçdim,
Ya da elə hər kəs bir gün unudur.

Uşaqlıq gözümdə bir həsrət indi,
Deyirdim böyüyəcəyəm mən haçan?
O vaxt böyüməyi çox istəyirdim,
Bilməzdim belə çox darıxacağam,

Köhnə dostlarımın indi çoxu yad,
Məsum gülüşlərdən əsər yox üzdə.
Bircə sən qalmısan mənə salamat,
Sən də ki dostumsan â€“ yalnızca sözdə.

Payızı, yağışı, şaxtanı, qarı,
Hər anı həvəslə anladan qız!
Bu gün haradasan? â€“ hərdən gəl barıâ€¦
İsti soyuqluğunçun darıxmışam.

Bəlkə də səmimi gəlməz sözlərim,
İndi mən susuram, sənsə gülürsən.
Yaraşır, gülümsə! kövrək gözlərim,
O gülüşün həsrətində â€“ bilirsənâ€¦

Hərdən mahnılar da səni anladır,
Ağlamamaqçun özümü sıxıram.
İndi sən yaman çox dəyişilmisənâ€¦
Mən köhnə dostum üçün darıxıram