www.nice.az > Çap versiyası > Qadın ürəyi [Tofiq Bayram

Necə rəhimlidir, necə amansız,
Necə mehribandır, qadın ürəyi!
Sən onu sındırsan bilki, o zaman
Ağlayan kamadır qadın ürəyi....

Güldürsən ömürlük, səadətindir,
Söndürsən yanmağı birdə çətir,
O, əsl qayğının məhəbbətidir,
Sevgisiz zindandır qadın ürəyi...

Onu alçaldanda ucaldanda biz,
Dərd verib vədəsiz qocaldanda biz
Qədrini biləndə bu cahanda biz,
Həmişə cavandır qadın ürəyi...

Bəzən gül tək solar acı bir sözdən,
Ağlayar xəlvəti gülsədə üzdən,
Bəzən uşaq kimi bir ürəksizdən,
Məhəbbət umandır qadın ürəyi...

Bir namərd əlindən zəhər içəndə,
Keçirər ömrünü o yaş içində,
Bəzən ən qiymətli libas içində,
Naləddir, fəğandır qadın ürəyi...

Sənsiz əl çəkərəm arzudan, kamdan,
Nə çıxar sevgisiz sənsiz ilhamdan,
İncitsən dözərəm Tofiq Bayramdan,
İncimə amandır qadın ürəyi...

Qadın ürəyi [Tofiq Bayram | şeir]