Printer və Monitor bir arada
7 dekabr 2010. Müəllif: MuXa
Dizayner Byeong Min Choe Document Extractor – Combi Monitor konseptini irəli sürüb.
Document Extractor – Combi Monitor Printer Altlığının Özəllikləri:
Document Extractor – Combi Monitor qurğusunu printer və kompüterin uğurlu kombinasiyası adlandırmaq olar. Bu qurğu əslində printerlə təchiz edilmiş monitor altlığından ibarətdir.
Həqiqətən, unikal bir konsepsiyadır. Belə printer yığcam olduğundan iş masası üzərində o qədər də böyük yer tutmur. Bundan əlavə, bu maraqlı qurğu erqonomik olduğu qədər də, məhsuldardır. Hər halda, printer şəxsi kompüter istifadəçilərinn böyük əksəriyyətinin poliqrafiya ehtiyaclarına asanlıqla cavab verə biləcək.
Gələcəkdə Printerli Noutbuk Altlığı da Buraxılacaqmı?
Amma bir faktı nəzərdən qaçırmayaq ki, bu gün noutbukların sayı stolüstü kompüterləri az qala üstələməyə başlayıb. Hər halda, ümid edək ki, gələcəkdə noutbuklar üçün printerlə təchiz edilmiş soyuducu-altlıq və ya cib kommunikatorları üçün mini printerli örtük (çexol) işlənib hazırlanacaq
