SIQARET ÇƏKMƏK SİZİN SAĞLAMLIĞINIZ ÜÇÜN ZƏRƏRLİDİR!!!

SİQARET ÇƏKMƏK SİZİN SAĞLAMLIĞINIZ ÜÇÜN ZƏRƏRLİDİR!!!

Hamı çəkmə deyir. Amma başa sala bilmirəm ki, mən yox o məni çəkir.

Hər gün gözümün qarşısındadı.
Aldığımız birinci nəfəs də odur, sonuncu
nəfəs də odur.
Səhər tezdən dururam ki, universitetə gedim.
Yastığın altında sıqaretdir. Yəni gözümüzü açan
kimi onu gorürəm. Ac qarına birini çəkirəm ki,
günə yaxşı başlayım. Səhər yeməyini yedim,
həyətə düşən kimi görürəm ki, dostlarım hərəsi
bir tində durub çəkir.
Qoşulub onlarla da birini çəkirəm. Sonra göz sataşır
məhəllədəki qızlara, hələ onlardan birindən
xoşum gəlirsə bu lap pis təsir edir. Çıxarıb birini
də çəkirəm. Nə isə qızların da dərdini çəkdikdən
sonra gedirsən universitetə. Başım qarışdı dərsə
gecikdimmi? Müəllim dərsə buraxmır. Bayırda
qalmaq məcburiyyətindəsən. Soyuq hava və təksən.
Çıxarıb birini də çəkirsən. Sonra qarşına imtahanda
səni kəsən müəllimi görürsən. Bir az
onunla söhbət edirsən, onu razılığa gətirib sənə
qiymət yazmağa çəkirsən. Amma onu çəkə
bilmirsən. Çıxarıb birini də çəkirsən. Bilirsən ki,
bu söhbətlərinə görə növbəti imtahandan da
kəsiləcəksən. Zəng vurulur. Dostları gülərək
dərsdən çıxır. Sən isə solğun, yuxulu halda neçə
qayıbının olduğunu soruşursan. Onlar da artıq Nsayda
qayıbının olduğunu söyləyirlər.
Dərdin üstünə bir dərd daha. Çıxarıb birini də
çəkirsən. Bu an rektorun qapısnın açıldığını
görürsən, əvvəl siqaret əlini yandırana qədər gizlətməyə
çalışırsan. Sonra artıq dözə bilməyib
yerə tullayırsan . Rektor yanından keçib gedən
kimi birini də yandırıb yarımçıq qalan zövqünü
davam etdirirsən. Sonra uşaqlarla kafeyə doğru
gedirsən. Çay sifariş edirsən. Çay gəlir amma
yanında mürəbbə və şkolad.
Bunu görən kimi axırda pulun kimin verəcəyini
düşünə-düşünə birinidə çıxarıb çəkirsən. Çay
içilib qurtarılır. Hərə öz cibində yol pulusunu
saxlayıb çay və murəbbənin pulunu verir. Bu
maddi zəiflikdən sonra birini də çıxarıb çəkirsən.
Vaxtdır, günün yarısını siqaret pulunu çıxarmaq
üçün tapılan işə getmək lazımdır. Marşrut gözləyirsən.
Sən gözləyirsən amma bəzi dostların öz
maşınlarına minib gedir, bəzilərinin də arxasınca
şəxsi sürücüsü gəlir. Bu hadisə də sənə çox pis təsir
edir. Çıxarıb birini də çəkirsən. Marşrut gəldi.
Siqareti yarımçıq tullayıb marşruta minirsən.
Amma marşrutun tez gəldiyinə görə sevindiyinə
peşman olursan. Çünki marşrutda tanış adam
var.Və üstəlik bu adam xanımdırsa eh istəyirsən
elə birini də çıxarıb marşrutda çəkəsən.
Amma çox təəssüf icazə yoxdur. Məcbursan ya
qızın pulunu verməyib biyabır olub düşəsən, ya da
sonuncu dayanacağa qədər getməlisən ki, o
səndən qabaq düşsün. Nə isə kişilik icazə vermir
pulu verməyib düşəsən ona görə də, sonuncu
dayanacağa qədər gedirsən. Sonra düşüb bu qədər
yolu piyada qayıtmağa məcbursan. Qəfildən şalvarını
çəkirsən, bir özünü tərəzidə çəkirsən və bu
iyrəncliyin səni nə günə saldığını görüb vicdan
əzabı çəkirsən...
SİQARET ÇƏKMƏK SİZİN
SAĞLAMLIĞINIZ ÜÇÜN
ZƏRƏRLİDİR!!!