İstifadəçilər: 0
Robotlar: 0
Qonaqlar: 167
Saytda olan son 20 istifadəçi
Xocalı - 26.02.1992
Şikayətini bildir
www.nice.az » Maraqlı Məlumatlar » Gözəl qaşlara necə sahib olaq?
Gözəl qaşlara necə sahib olaq?
Bu xəbəri dostlarınla paylaş:
Gözəl qaşlara necə sahib olaq?
Daim gözəl və formada olmağı sevən qadınlar yəqin bilirlər ki, üzün quruluşunu əsaslı şəkildə dəyişən cizgi məhz qaşlardır. Sıx, enli və səliqəsiz qaş istənilən gözəl üzü çirkin göstərə bilər.
Doğrudur, bizim adət-ənənələrimizə görə subay qadınların qaşlarını alması düzgün deyil. Lakin nəzərə almaq lazımdır ki, müasir insanlar nəinki qaşın, hətta burunun, dodağın, üzün formasını da dəyişmək imkanına malikdirlər. Qaşları nazik və qismən səliqəli olan qızların bu baxımdan problemləri azdır. Lakin çox sıx və qalın qaşa maliksinizsə, gözəl görünmək naminə onlara forma verməlisiniz! Unutmayın ki, qaşın quruluşu sifətin ifadəsini də dəyişir. Adətən, qaşların təbii formasını saxlamaq məsləhət görülür. Qaşlarına əl gəzdirmək istəyən xanımların birinci dəfə kosmetoloqa müraciət etmələri məsləhətdir. Kosmetoloqun sizin qaşınız üçün seçdiyi formanı sonradan özünüz ev şəraitində də asanlıqla saxlaya bilərsiniz. Təbii ki, bütün hallarda olduğu kimi burada da sizin öz zövqünüz daha vacibdir. Lakin yenə də bəzi qaydalara əməl etmək pis olmazdı. Qaşın daxili kənarı burun pərləri ilə eyni səviyyədə, uzunluğu isə göz sərhəddindən bir neçə millimetr artıq olmalıdır. Daxildən qaş aşağı yönəlməlidir. Yaddan çıxarmaq lazım deyil ki, daxildən nazildilən qaş gözləri kiçik göstərir. Bu hissəni həddən artıq nazikləşdirdikdə isə, sifətdə daim təəccüb ifadəsi müşahidə edilir.
Qaşa forma verilməsinin ağrılı proses olması heç kim üçün təzə xəbər deyil. Bu zaman ağrını minimum səviyyəyə endirmək üçün də bəzi qaydalara əməl etmək lazımdır. Tükləri çıxma istiqamətlərində tək-tək çəkmək lazımdır. Bu, ağrını qismən də olsa, azaldır. Xəstə olduqda, dərinin həssaslığı artır. Buna görə də tam müalicə olunmadan qaşlarınıza əl vurmayın. Prosesə başlamazdan əvvəl dərinizə tərkibində meyvə turşuları, rentol-A kimi maddələr olan məhsullar çəkməyin. Ağrını tam yox etmək istəyirsinizsə, qaşınıza tərkibində benzokain (adətən, bu maddəni diş ağrısı zamanı qarqara üçün istifadə edirlər) olan preparat çəkə bilərsiniz. Məhsulun gözünüzə düşməməsinə diqqət edin, sonda isə onu nəm pambıqla silin.
Qaş almadan əvvəl üzü soyutmağın, yoxsa isitməyin daha yaxşı olması barədə isə kosmetoloqlar qəti bir qərara gələ bilmirlər. Bəzi kosmetoloqlar belə hesab edirlər ki, qaşlara forma verməzdən əvvəl isti duş qəbul etmək, yaxud qızdırılmış dəsmal qoymaq lazımdır. Onların fikrincə, bu zaman məsamələr genişlənir və tüklərin çıxması asanlaşır. Soyuma isə məsamələri sıxaraq ağrını artırır. Bəzi kosmetoloqlar isə, əksinə, hesab edirlər ki, dəriyə salfetə bükülmüş buz qoyduqda həmin hissə keyləşir və ağrı hissi minimuma endirilir. Yaxşı olar ki, hər iki variantı sınaqdan keçirəsiniz və sizə uyğun olanını seçəsiniz. Qaşınıza forma verdikdən sonra spirtli pambıqla silin.
Bəs bu zaman hansı pensetdən istifadə etməlisiniz? Qaşın səliqəyə salınması tüklərin surətlə uzanmasına səbəb olmur, lakin proses dərinin qıcıqlanması ilə nəticələnə bilər. Ona görə də aləti düzgün seçmək lazımdır. Penset yüksək keyfiyyətli, paslanmayan metaldan olmalıdır. Sıxılarkən azacıq gərilməli, sonları hamar və parlaq olmalıdır. Qətiyyən ucları kütləşmiş pensetdən istifadə etmək olmaz.
Biz Sizə qeydiyyatdan keçməyi və ya öz adınız ilə sayta daxil olmağı məsləhət görürük.
| 
Müəllif: Ayla_girl | 
Baxış sayı : 685 | 
Rəylərin sayı (10) | 
31 dekabr 2010
Müəllif: Ayla_girl | Baxış sayı : 685 | Rəylərin sayı (10) | 31 dekabr 2010
|
| ||||
|
|
Səhifəni çap et
Məlumat
"Qonaq" kimi daxil olan ziyarətçilər saytda rəylərin bildirə bilməzlər.Zəhmət olmasa qeydiyyatdan keçin və ya öz hesabınızla sayta daxil olun!
