Bəzən kədərdən, bəzən isə sevincdən gözlərimiz yaşla dolur. Cəmiyyətdə ağlamağı bir zəiflik əlaməti kimi düşünənlər olsa da, mütəxəssislər ağlamağın ən azı sevinmək və ya gülmək qədər normal bir proses olduğunu və insan orqanizmi üçün bəzi faydalarının mövcudluğunu vurğulayıblar.

Bəzən insan tənha bir otağa çəkilərək doyunca ağlamağa, ürəyini boşaltmağa ehtiyac duyur. İngilis professoru Dr. Leslie Bez bu kimi hallara belə izah verib: "Ağlamaq psixoloji rahatlama ilə yanaşı vücudun da rahatlamasına şərait yaradır. Göz yaşının müxtəlif növləri mövcuddur. Yaxınlığımızda hər hansı bir tüstü olarsa və ya yanımızda soğan soyarlarsa bu zaman gözlərimiz yaşara bilər. Hislərimizin səbəb olduğu göz yaşları orqanızmi bəzi toksinlərdən qoruyur. Başqa sözlə orqanizmdəki zəhərli hormonların xaric olunması üçün ağlamaq faydalıdır".