ABŞ-ın Ölüm vadisi adlanan bölgəsində öz-özünə hərəkət edən daşlar alimləri heyrətə gətirib. İri qaya parçaları əsrarəngiz və düzgün bir şəkildə vadi boyu “hərəkət edir”. Bəzi daşların çəkisi hətta 100 kq-a çatır. Alimlər bu qaya parçalarının ərazinin hamar olmasına baxmayaraq, düz xətli hərəkətini izah etməkdə çətinlik çəkirlər. Alimlər bu qaya parçalarının ildə 320 metrdən artıq məsafə “qət etdiyini” deyirlər. Qaya parçalarının hər hansı bir canlı tərəfindən də hərəkətə gətirildiyi ehtimal edilmir. Çünki ərazidə qaya parçalarının izindən başqa heç bir izə rast gəlinmir.
Fotoqraf Mike Birne bu əsrarəngiz hadisənin rəsmini çəkmək üçün uzun illər zəhmət çəkdiyini deyir.
Alimlər bildirirlər ki, “144 km sürətlə əsən külək və gecə şehi ərazidə nazik rütubət təbəqəsi yaradır. Böyük ehtimalla məhz bu, iri qaya parçalarını hərəkətə gətirir."