Bir az da qalstukun tarixindən...

1660-cı ildə Osmanlılar Avstriya ordusuna məğlub olduğu zaman, Avstriya-Macarıstan İmperiyası sərhədləri daxilində olan bir qrup xorvat əsgər bu döyüşün əsas qəhrəmanları kimi Parisə aparılır və kralın hüzuruna çıxarılırlar. Əsgərlər boğazlarına rəngli dəsmallar taxırlar. Dəsmallar romalılar dövründə səs tellərini isti saxlamaq məqsədilə soyuqdan qorunmaq üçün taxılan dəsmallara oxşayırdı. Kral bunu çox bəyənir və özü də krallıq qalstuqları taxan bir ordu qurur. Çox keçmir ki, bu moda İngiltərəyə yayılır. Qalstuk o vaxtlar o qədər yuxarıdan bağlanırdı ki, insanlar bədənləri döndərmədən ətrafa baxa bilmirdilər amma heç olmazsa, bu dəsmallar “dəsmallar” qılınc zərbələrinə qarşı boyun qoruyurdu. Qalstuk müxtəlif formalarda yüzillərlə yerini qorudu. Yüzdən artıq növdə bağlandı. 1960-cı ildə gəncliyin bütün qaydalara qarşı ayağa qalxması onu bir az gözdən saldı. Amma 70-ci illərdən başlayaraq, qalstukun populyarlığı yenidən artdı.