

2012`ci ilin toy tendensiyaları
Rəng palitrası
Bəyaz həmişə toyun təşkilində əsas rəngdir. Amma ağın başqa rənglərlə sintezi son iki ildir ki, çox populyardır. İsti rənglər həm gəlinlik paltarında, həm də müxtəlif aksesuar və bəzək əşyalarında istifadə olunacaq. Ağla çəhrayının, şaftalı, yaşıl, həmçinin bənövşəyi, göy, qəhvəyi və hətta qara rəngin uyğunluğu çox aktual olacaq.
Şarlar
Toyların bəzədilməsində istifadə olunan adi şarların əvəzinə, 2012-ci ildə Çin fənərləri dəbdə olacaq. Bu fənərlər vasitəsilə sirli və romantik atmosfer yaratmaq olar.
Bəzək əşyaları
2012-ci ildə toy məclisi üçün hazırlanan bəzək əşyaları gəlin paltarı və gül dəstəsi ilə eyni stildə olmalıdır.Toy əşyalarının rəng qamması dəbdəbəli ağ rənglə yanaşı, yaşıl, narıncı, fuksiya, boz və qızılı, eyni zamanda qəhvəyi, bənövşəyi, göy və qara rənglə sintezdə ola bilər. Belə qeyri-adi çalarlar toy məclisinə fərqli görünüş qatacaq, həmçinin siz müəyyən rəngdə bəzədilmiş masalarda qonaqların müxtəlif qrupunu qeyd edə bilərsiniz.
Masalar
Yeni ildə toy banketinin hazırlanmasında İsveç masası növü üstünlük təşkil edəcək. Təqdim olunacaq içki və yeməklər üçün ayrıca masalar hazırlamaq olar. Məsələn, yapon mətbəxi guşəsi, şirniyyat və ya şokolad sevənlər üçün xüsusi guşə və s.
Tort
Dəbdə müxtəlif arxitektura tikililərini xatırladan çoxmərtəbəli və zərif gül ləçəklərilə bəzədilmiş toy tortları olacaq. Bundan başqa, bütöv yox, kiçik pirojna və kekslərdən hazırlanan, krem və atlaz lentlərlə bəzədilən tortlar da aktual olacaq.
Bal ayı
Bal ayının keçirilməsi üçün ən dəbli yerlər Bali, Marokko, Yaponiya və Nepaldır. Bu ölkələrdə həm romantik ab-hava tapacaq, həm də ömür boyu unutmayacağınız macəralar yaşayacaqsınız.
Gəlinlik paltarı
2012-ci ildə Viktorian dövrü bir sıra məşhur dizaynerlərin ilham pərisi olub. Büst, korset, hündür yaxalıq, həcmli yubkalar və krujeva XIX-XX əsrlərdə populyar olsa da, gələn il toy paltarı dizaynında əsas tendensiya olacaq. Eyni zamanda iki toy paltarı tendensiyası daha çox populyardır - onlardan biri (daha dəbdəbəli və gözəgəlimli) təntənəli nikah mərasiminə, eleqant və müasir olan digər paltar isə toya geyinilir. Əsasən bu, səyyar toylar üçün əlverişlidir, yəni mərasimdən sonra gəlinlə bəy harasa yollanır - təbiətə, diskotekaya və s.
Saçdüzümü və makiyaj
2012-ci ildə açıq buraxılmış təbii saçdüzümləri dəbdə olacaq, amma hündür romantik düzümlər də aktuallığını itirməyəcək. Fata yavaş-yavaş ikinci plana keçir, əsas diqqət müxtəlif tac, svarovski qaşlı sancaqla bəzədilmiş saçların gözəlliyinə yönəldilir. Makiyajda da təbii eleqantlıq vurğulanmalıdır. Buna isə zərif pastel çalarları ilə nail olmaq mümkündür. Əlvan rəngli pomadadan istifadəyə yol verilir, o zaman ki, gəlinlikdə də bu çalarda nə isə olsun.
Gəlinlik buketi
Dizaynda olduğu kimi, buketin tərtibatında da Viktorian əsrinə istinad olunacaq. Gəlin buketi uzun qulplu dairəvi formada və romantik üslubda olacaq. Zərif güllər mirvari, atlaz lentlər və krujevalarla bəzədiləcək. Dizaynerlər yeni ildə təbii güllərdən deyil, incə parçalardan (ipək, atlaz) hazırlanmış güllərdən istifadəni təklif edirlər.
Fikirləriniz...
Biz Sizə qeydiyyatdan keçməyi və ya öz adınız ilə sayta daxil olmağı məsləhət görürük.




|
| ||||
|
|
