www.nice.az > Çap versiyası

Qar kimi ağ gəldim,
ləkəsiz gəldim,
Səssizcə yağmışdım yollarına mən.
Mən sənin ömrünə"bəlkə"siz gəldim
Yığıldın güc kimi qollarıma sən...
Bitdi baxışların nəğməsi, sözü,
Sükut qollarında gəzdirdi bizi...
Soyuduq qar kimi....
nə deyim,
düzü,
Bəlkə bu soyuqluq bezdirdi bizi.....
İndi xatirənlə yanacağam mən,
Gülsən,
gülüşünə bürünəcəyəm.
Qar kimi ovucuna yağacağam mən,
Qar kimi ovcunda əriyəcəyəm!....
Həsrətin qəlbimdə dinir tar kimi,
Nəğmələr dənizdir, vüsalın qayıq.
Sən də, ay sevgilim,
getdin qar kimi
Qayıtsan
qar kimi ləkəsiz qayıt!...

Gülsən [şeir]