www.nice.az > Çap versiyası > Mənə yalanlar danış

Əgər bir gün bitərsə mənə olan eşqin, əgər bir gün sadəcə çıxıb getmək istəsən və mən israrla Niyə? soruşsam demə... Dürüst olma, istəmirəm... Bəhanələr tap, yalanlar uydur... Məni günahkar et. De ki, hər şeyin günahkarı sənsən.And içirəm, etiraz etmərəm heç nəyə. Sadəcə məni sevmədiyini eşitməyə dayana bilmərəm. Bunu söyləyəcəksənsə, öldür daha yaxşıdır. Əmin ol ki, canım daha çox yanmayacaq...

Getmək istəsən əgər bir gün bir başqası var həyatımda demə mənə... Varsa elə biri, özündə saxla, mən bilmək istəmirəm...
Getməyi ağlına qoydunsa əgər və artıq səni həyəcanlandırmıramsa, xəbər vermədən get, bir şey demək məcburiyyətində deyilsən. Burax intizarda qalım, burax yollara düşüb səni axtarım, tapa bilməyəndə də ağlayım...
Amma yetər ki, eşitməyim artıq məni görəndə əllərinin tərləmədiyini, dizlərinin titrəmədiyini...

Doğrular həmişə ən yaxşıs deyildir və mən gerçəyə tab gətirəcək qədər güclü deyiləm... Baxma belə göründüyümə... Söhbət səndən gedəndə, ən zəif, ən aciz halıma bürünürəm... Səni itirməkdən dəli kimi qorxuram...
Bezdinsə məndən və topladınsa bütün əşyalarını, mən görmədən get... Gizlicə və səssizcə...
Şahid olmaq istəmirəm gedişinə... Gözümün içinə baxa-baxa Salamat qal deməyini istəmirəm... Üz-üzə bir vəda mənlik deyil... Qaç istəyirsənsə bir oğru kimi... Uzun bir tətil de, bir də heç vaxt geri dönmə. Bir məktub belə buraxma, səndən sonra onu oxumaq belə mənə ağır gələr...

Getmək istəyirsənsə əgər, ləngimə, tez get... Məni məşğul edib, biraz daha alışdırma özünə...
Gedərkən, dəqiq olsun gedişin, bir də heç vaxt dönməyəcəkmiş kimi... Mənə səndən sonra heç nə qalmasın...
Xatirələrə qalib gələrəm, sən narahat olma mənim üçün...
Amma sən gedəcəksənsə əgər, hazır et bəhanələrini, məni HƏQİQƏTLƏRLƏ üzləşdirmə...