www.nice.az > Çap versiyası > Üzülmə :-( [şeir]

Yaraşmayır sənə üzgünlük, kədər,
Deyirsən sevəcəm ölənə qədər
Bir düşün, bir daşın, bir az fikirləş,
Kim üçün ömrünü edirsən hədər?

Dəyərmi üzürsən şirin canını
Neyçün qaraldırsan sən öz qanını?
Onunçün gözündən tökdükcə qan- yaş
Heç o, soruşurmu sənin halını?!

Nə fəryad eyləmə, nə də çəkmə ah
Başını tik saxla, könlünü fərah,
Kövrək ürəyinə salma heç nəyi,
Qəsd edib canına, qazanma günah!

Sənin ürəyin də güləcək bir gün,
Kədəri uzaq et, qəmiysə sürgün
Çaliş yaxınına gəlməsin əzab
Mənasiz keçməsin nə ömür, nə gün!