YANDIR MƏKTUBLARIMI...
5 dekabr 2010. Müəllif: HiTMaN
YANDIR MƏKTUBLARIMI...
Hər sətir üstündə titrəyir əlim,
Sətirlər qəlbimdən od alıbdırlar,
Mən sənə bir dəfə aldandım, gülüm,
Məktublar ömürlük aldanıbdırlar.
Məni yad eləmə,
Özgə ol, yad ol,
Oyuncaq olmasın məktublar barı.
Ömründə bircə yol alıcənab ol,
Yandır xatirəmi-o məktubları...
Orda ürəyimin harayı, ahı,
Qəlbimin utancaq sevdası yatır.
Orda vüqarımın sınma günahı,
Kövrək bir nəğmənin sədası yatır.
Dağılar şöhrətin dumanı, çəni,
Udar bir ac balıq, inci tək səni.
Yazdığım sətirlər ac toxum kimi,
Bir gün göz yaşını içəcək sənin.
Məktublar içində nəyim-nələrim...
Alovlu sətirlər gizli qəm kimi,
Yandır məktubları....
Xatirələrim,
Yansın, külə dönsün, qoy Kərəm kimi.
Sənə ümid dolu dikilən gözlər,
Yenə xatirədə donub qalandır,
Əlim əsə-əsə yazdığım sözlər,
O zaman düz idi,
Indi yalandır...
Həyatın özündə sınadım səni,
Demə bahar idim,
indisə qışam.
Yaxşı ki, nəhayət tanıdım səni,
Yaxşı ki, ömürlük aldanmamışam...
Hər sətir üstündə titrəyir əlim,
Sətirlər qəlbimdən od alıbdırlar,
Mən sənə bir dəfə aldandım, gülüm,
Məktublar ömürlük aldanıbdırlar.
Məni yad eləmə,
Özgə ol, yad ol,
Oyuncaq olmasın məktublar barı.
Ömründə bircə yol alıcənab ol,
Yandır xatirəmi-o məktubları...
Orda ürəyimin harayı, ahı,
Qəlbimin utancaq sevdası yatır.
Orda vüqarımın sınma günahı,
Kövrək bir nəğmənin sədası yatır.
Dağılar şöhrətin dumanı, çəni,
Udar bir ac balıq, inci tək səni.
Yazdığım sətirlər ac toxum kimi,
Bir gün göz yaşını içəcək sənin.
Məktublar içində nəyim-nələrim...
Alovlu sətirlər gizli qəm kimi,
Yandır məktubları....
Xatirələrim,
Yansın, külə dönsün, qoy Kərəm kimi.
Sənə ümid dolu dikilən gözlər,
Yenə xatirədə donub qalandır,
Əlim əsə-əsə yazdığım sözlər,
O zaman düz idi,
Indi yalandır...
Həyatın özündə sınadım səni,
Demə bahar idim,
indisə qışam.
Yaxşı ki, nəhayət tanıdım səni,
Yaxşı ki, ömürlük aldanmamışam...