Qızlara sözüm...

Eşqiniz olmasın çürük sap kimi
Əllərdə gəzməyin bir kitab kimi
Kimisə məst edən al şərab kimi
Axıb hər badəyə dolmayın Qızlar

Oynar qəhqəhəniz şimşəklər kimi
Ünvansız olmayın küləklər kimi
Qar altından çıxan çiçəklər kimi
Vədəsiz saralıb solmayın Qızlar

Siz bir qayıqsınız tale dənizdir
O bəzən bulanıq bəzən təmizdir
Tale amansızdır düşüncəsizdir
Taleyin qayığı olmayın Qızlar