www.nice.az > Çap versiyası > Mən Sənə Sevməyi necə öyrədim?.. [şeir]

Dəli bir şimşək ol, gözlərimdə çax,
Kədərini unut, sevincindən bax..
Məndən istədiyin diləyə bir bax,
Mən Sənə Sevməyi necə öyrədim?..

Sevirəm demirsən, dilindən tutum,
Saçını oxşayım, belindən tutum,
Yazı yazmırsan ki, əlindən tutum.
Mən Sənə Sevməyi necə öyrədim?..

Qəlbimi üşüdən külək deyilsən.
Mənə Mənim qədər uzaq deyisən,
Sən körpə deyilsən, uşaq deyilsən,
Mən Sənə Sevməyi necə öyrədim?..