www.nice.az > Çap versiyası > Sevgi şeirləri... [Şeir]

Sevən deyiləm
İlk sevgi qəlbimdə əbədi qaldı,
Çılqın gəncliyimi əlimdən aldı.
Qəlbim yarpaq tək soldu,
saraldı inan əvvəlki tək sevən deyiləm.

Həsrət
Qərib bir gecədə səndən uzaqda,
Küləylər həsrətli nəfəs kimidir,
Sənsiz tənha qalmış sızlayan qılbim,
Darıxır hər tərəf qəfəs kimidir,

Dərdim var
Gözlərim dikilib uzun bir yola,
Kim deyər bu yolda kimim var mənim.
Hamını güldürən sözüm-söhbətim,
Özümü ağladan dərdim var mənim.

Mən olmayanda
Tənha bir otaqda tək qalacaqsan,
Pəncərə önündə dayanacaqsan,
Mən gələn yollara boylanacaqsan,
Artıq bu dünyada mən olmayanda.

Ürəyim
Sevgilim sıxılma mənim sözümdən,
Mən səni sevirəm düzünü deyim.
Sevirəm sözünü sənin dilindən,
Eşitmək istəyir mənim ürəyim.

Türkaysız
Yollara baxıram durub ahəstə
Sənsizlik könlümü eyləyib xəstə
Xanəndə oxuyur kəsmə-şikəstə
Məndə xəyala dalmışam sənsiz.

Qorxuram
Çıxmazdın yadımdan bircə an belə,
Sən idin qəlbimin toyu, düyünü.
Ömrümün ən gözəl anı sanardım
Səninlə üz-üzə gəldiyim günü.

Vəfasız gözəl
Qədrimi bilmədin vəfasız gözəl
Hərdən xəyalında xatırla məni.
Fikrindən ayrılıb dilxor olanda
Qüssədən gözlərin yaşla dolanda
Gəlin otağında sən tək olanda
Sən öz otağında xatırla məni.

Susan sevgi
Yenədə rastlaşdı baxışlarımız
Bu susan sevgini dilləndirsənə
Axı nəyə lazım göz yaşlarımız
Nə olar görüşək söylə sən mənə.