www.nice.az > Çap versiyası > Kaş ki, dayan getmə deyə bilsəydim

Kaş ki dayan getmə deyə bilsəydim..
Kaş ki...
Bəlkə o zaman həyat gözümdə dəniz kimi mavi qalardı
Daha kompleks rənglərə bulanmazdı
Və eşqlərim də elə ...
Amma edə bilmədim, edə bilmədik
Sən qalmağı bacara bilmədin,
Mənsə qolundan tutub "DAYAN!" deməyi ...
Dəfələrlə imtina etməyi düşündüm, sınadım da hətta
Bir gün, bir həftə
Aylar olmadı heç imtina etmə oyunlarım...
Sevgini inkar etmək, unutmaq üçün müxtəlif oyunlar etmək
İçindən çıxa bilmədiyim, boğulub qaldığım çox vaxt qaranlıqlara sürüdü məni
Elə ağrı idi ki...
Sənsiz qalmaqdan da betər idi bu qaranlıq
Rəngi gecəyə bənzəyən, ağrısı eynilə ölümlər..
Bu yüzdən idi gizlin həmişə səhərlərdə,
Günorta vaxtlarında qalmaq istəyişim..
Amma gəlirdi gecələr və qaça bilməzdin zamandan
Özümdən qorxardım gecələri
Çətin idi özümlə baş-başa gecələri səhər etmək
Çətin idi yatmaq,
Kabusların məndən çəkib getməsi
Yuxuları gözləmək...
Xəyal belə qurmaq qadağan idi o gecələrdə...
Nəyə icazə vardı yaxşı
Müqavimət göstərə bilsən əgər
Güclü ola bilsən
Səhərə çıxacaqsan,
Gözlərin günəşi görəcək,
Ruhun və bədənin sabaha çatacaq...
Bu qədər idimi?
Bu idimi yaşamaq..?
Bilmirəm ki
Bundan neçə zaman əvvəl idi onu buraxmağım
Bilmirəm ki harada buraxmışdım həyatımı
Bilmirəm ki nə vaxt öldüm ???