www.nice.az > Çap versiyası > Yağış yağır yaz yağışı [Şeir]

Ürəyimin alovları sönməyəcək
Bilə bilə yağış yağır yaz yağışı
Fəryadları leysanlara dönməyəcək
Gilə - gilə yağış yağır yaz yağışı

Həsrət əydi torpağına dizlərini
Bu şəhərin göz yaşıdı qəm naxışı
Xatirələr düşmənidi izlərinin
Silə - silə yağış yağır yaz yağışı

Nisgilində səhra kimi düzləri var
Nəmli yaşlı intizarlı gözləri var
Sirli ahəng ürəyində sözləri var
Dine â€“ dinə yağış yağır yaz yağışı

Yağdı bu gün divanənin hər sözünə
Yağıb dönsün ovuclarda qəm gölünə
Dilə sənsiz salam olsun sevgilinə
Dilə! Dilə! yağış yağır yaz yağışı