www.nice.az > Sevgi Aləmi > Bu fani dünyada

Bu fani dünyada


3 mart 2012. Müəllif: Sweet_LoVe
Bu fani dünyada

Bu fani dünyada hər bir insanın,
Sevgiyə,sevməyə ehtiyacı var.
Məhəbbət haqqında yazılmışların,
İnsanın beynində bir anlamı var.

Bir nağıl qurulub,əzəldən belə
Bədbini xoş edər məhəbbət hissi
Düşərmi döyünən qəlb tez-tez ələ?
Mən sənin dərdindən bir eşq dəlisi.

Acizlik,cansız bir kəlimə önündə
Cansız olduğu tək canlarda gəzər,
O girir canlara məqam biləndə,
Məqamı gələndə ömrünü bəzər!