Baxmır [şeir]

İtibdir ləzzəti,dadı dünyanın
Qalıb bir quruca adı dünyanın
Bilinmir,yaxını yadı dünyanın.
Ruhumu sevənlər üzümə baxmır.


Yoluma teleyin nuru saçılmır,
Ölüncə qismətdən,bəxtdən qaçılmır
Belə gör haçandır könlüm açılmır,
Ağrıyan vicdanım gözümə baxmır..


Hamı tale adlı gəmidən qaçır,
Sümbülü puç olan zəmidən qaçır.
Varıma gələnlər,qəmimdən qaçır
Əlimə baxanlar gözümə baxmır..


Həsrətəm dərtlərə meyil salmışam,
Qəmə könül verib,könül almışam.
Həsrətin əlindən aciz qalmışam.
Daha ürəyimdə sözümə baxmır...!