Sənsiz keçən günlərim

Sənsiz keçən günlərim...
Ötür sanki il kimi
Sən baharım yazımsan,
Xatırlaram gül kimi,
Ayrılmaz Könül kimi.

Sənsiz keçən günlərim,
Zülmətli gecə olar,
Sən nurlu səhərimsən
Səhərsiz həyat solar
Zülmətli gecə olar...

Sənsiz keçən günlərim...
Açılmamış qönçədir
Saf məhəbbətin təmiz,
Ülvi bir xatirədir,
Açılmamış qönçədir...

Sən küsmüştün qayıtdın...
Sevincdən coşdu ürək...
Ayrılığın acı bir,
Xatirəyə dönərək
Dedi:Ol əvvəlki tək!!!