www.nice.az > Çap versiyası > Həsrət qaldı [Şeir]

Yenə heyranlıqla sənə baxırdım
Nazlı baxışların gözümdə qaldı
Şirin bir sızıltı axdı qanımda,
Deyə bilmədiyim sözümdə qaldı...

Gündoğan yolçuyam yolu qəribəm
Həsrətin qəlbimdə qurubdur yuva,
Neçə yol eşqimi yazdım məktuba
Sənə yollamadım özümdə qaldı...

Qəlbimdə arzular baş alır dolur
Ən sadiq sirdaşım xəyalın olur...
Məhəbbət bağının gülləri solor
Bütün arzularım ürəyimdə qaldı...

Amansız baxışıb,atıb oxunu
Səpdi ürəyimə sevgi toxumu
Həsrətin göylərə çəkib yuxumu,
Heyrət bu səbrdə dözümdə qaldı....