www.nice.az > Çap versiyası > Uşaqlıqdakı oyunlar

Sanki yenə də uşağıq səninlə...
Uşaqlıqda tək qaldığımızın anlarda darıxmamaq üçün oyun oynayardıq...
Məqsədimiz əylənmək idi, qalib gəlmək yox.
Kiçik bir münaqişələrdə bir-birimizi â€œçığalçısanâ€ adlandırmağımız...
Bəzən oyunu sona çatdırmayıb küsməyimiz... Uşaqlıqdakı o oyunlarımız...
Sən gizlən, mən səni axtarım... Gəl,mən qaçım sən məni tut...

İndidə sanki mən bir uşağam. Mənimlə yenə oynayırsan?
Oyunun qaydaları dəyişməyib, sadəcə fərqli məkan və məqsədimiz
əylənmək deyil qalib gəlmək. Özündə bilmədən yenidən mənimlə
uşağlıqdakı oyunlardan oynayırsan. Sən gizlənirsən, mən isə səni
axtarıram. Uşaqlıda tez tapardım səni.Bir ağacın arxasında
gizlənərdin... Burda olduğunu hiss edərdim...Tapardım səni...

İndi isə saatlarla,günlərlə gizlənirsən... Tapa bilmirəm səni..
Bilirəm çox uzaqlardasan...Yenə çığalçılıq edirsən?
Daha sonra qaçırsan məndən.Mən isə çata bilmirəm sənə.
Səni tuta bilmirəm. Uşaqlıqda isə arxanca qaçıb tutardım səni...

Bir gün gələcək oyunlarımız bitəcək.
Bəlkə də artıq mən oynamaq istəməyəcəyəm.
Uşaqlıqda küsüb oynamaq istəmədiyim kimi...
İndi özündə bilmədən oynadın. Sən qaçdın, mən tuta bilmədim.
Sən gizləndin, mən tapa bilmədim...Qalibiyyətinlə təbrik edirəm səni.

Mənimsə məqsədim səni məğlub edib qalib gəlmək deyildi.
Mənim məqsədim bu oyunda ikimizin qalib gəlməsi idi.
İndi hər nə qədər qaçsanda,hər nə qədər gizlənsəndə ,səni AXTARMAYACAĞAM.
Çünki,daha səninlə OYNAMAYIRAM!