www.nice.az > Çap versiyası

Beləmi vacibdir üzümə baxmaq...
Dolubdur gözlərim hönkürəcəyəm...
Hələ sən qarşımda durmusan ancaq
Baxıb gözlərinə mən güləcəyəm

Dözərəm ürəyim dözərəm dedi...
Gözümdən bir damla yaş atmaram mən
Sənin qarşında ağlamaq nədir
Hətta gözlərimi yaşartmaram mən...

Razıyam sevgidən olmasın asan
Arada hısrətlə ürək dağlasın
Mən sənin qarşında alçalmaqdansa...
Üzüm gülümsəsin içim ağlasın

Bil sənin önündə gözlərim dolmaz...
Daha o,kövrəklik miskinlik getdi
Səninlə üz-üzə ağlamaq olmaz...
Yalnızda ağlamaq bir ayrı dərtdir!...

Ağlamaram